女朋友給男朋友既警告 23 條
1. 唔准同任何 15 歲以上 35 歲以下無血緣關係既女性單獨外出或者傾超過 5 分鐘電話。
2. 我 'meet' 你既時候，你唔准縮。
3. 我唔會 check 你既來電顯示，但係你最好唔好俾我聽到你同不明來歷既女人講電話。
4. 你個電話裡面只可以有兩個女人既相，你媽媽同我。
5. 我明白每個人都有過去，你會有舊情人既相呀信呀禮物呀，但係 …… 唔好係我面前飄揚，有咩爛左唔好怪我。
6. 我鍾意收情信，但係好憎見到錯別字。
7. 每日起碼要打一次電話俾我，因為我會掛心你。
8. 你要俾我知你去左邊，我唔係要 check 你行蹤，只係如果新聞話有三名行山人士失蹤，我要知道係唔係你。
9. 我地未必可以一生一世，但希望你同我一齊既時候，每一刻都對我認真。
10. 你心裡面諗 D 咩，一定要同我講，因為我好蠢，你唔同我直接講我唔會知道。
11. 我去 dating 你叫我玩得開心 D 既話，我會以為你唔愛我唔緊張我唔想要我。
12. 我希望你會記得一切既大時大節生日同紀念日，我唔會提，亦會扮大方，但唔代表我想你失憶。
13. 男子以才為貌，但係都要乾乾淨淨。
14. 唔好企圖或意圖用「中五妹妹仔唧…… 」黎做藉口安慰我，我唔會睇少妹妹仔既威力，因為我都曾經年青過。
15. 我慣性去 i.t、Marie 同 Lane Crawford 買鞋，鞋碼係 Italy 36.5。如果你打算買鞋俾我，記得唔好錯 size 。
16. 唔准對我講大話。
17. 唔准一腳踏兩船 (或以上 )。
18. 除非 D 食物好美味，否則我唔想去任何張椅冇椅背既餐廳。
19. 出街一定要拖實我，因為我會蕩失路。
20. 如果我遲到，都只係因為我想著靚 D 見你，所以你唔好鬧我。
21. 你最好唔好有一堆女性朋友同契妹之類既不明物體係身邊，否則我會大你三十萬用行動證明俾你睇，我都有一籮男性朋友同契哥加 uncle 。
22. 食飯時第一箸夾既食物記得要係俾我既。
23. 我唔會要你幫我去麥當勞換公仔，但係會叫你幫我去 Sogo、Joyce 同 Lane Crawford 買化妝品。
