原文摘抄于此：
[讨论]肇庆人素质真低！！！
在银行，快餐店，各缴费处，D人从来都不排队的。。。总想着如何打尖，慌死泄底0甘争的士,上公车争先恐后时有发生。
最讨厌D马甩佬几十岁人一D风度都无，最可悲的就是D小朋友都喜欢打尖不排队，可想其家长的素质和教育有几差。在广州等大城市很少见到当地人打尖的现象有肇庆那么严重。
我有个外地的朋友在肇庆的某快餐店买快餐，等了十分钟都买不到，原来D人个个都打距尖。。。。
本人观点：
唔知道楼主以一个乜也价值观去睇待我地肇庆人，但系我非常唔同意楼主嘅观点。楼主睇到嘅只系现象，但系却忽视佐评论人性价值和素质最关键一个因素－－内涵！内涵包括人生观价值观同世界观！你单单从社会个别现象就确定肇庆人素质低下咁样未免太以偏概全了。举一个例子，文革大家都话系十年灾难，但系你可以全面否定咩？事实话俾我地知系唔得嘅，因为好似周恩来总理就系呢段时间做出佐卓越的贡献，为中国经济不至于全面崩溃立下汗马功劳！难道你可以连距一齐否定咩？可能呢个例子时代太远，我再举一个例子，我依家系广东湛江读大学，唔知道论坛有几多人来过湛江，但系呢度发展状况就好似十年前嘅肇庆（甚至不如，公交车都系人工售票，车超烂！红绿灯都无几盏）呢度D人衣着和文化素养就可想而知啦！呢D唔系我乱讲，唔信可以问一下去过湛江嘅朋友。但系我并唔觉得呢度D人素质几差几差，因为其实每个城市都有自己嘅城市风俗，湛江谈唔上搭车打尖，因为呢度你随便挥挥手公交车就会停，根本没车站或者唔系车站之分，而且整个城市都好邋遢，同肇庆无得比，我开始过来读书个阵都好唔习惯，但系点解我地唔可以换一个角度去捻呢？湛江人虽然素质无你地D人认为咁高，而且着衫又无你认为咁IN，但系人家保留嘅系一种朴素嘅文风，虽然里面好大因素系因为经济嘅原因，但事实上人家湛江人又的确系保留佐落来，呢点我地无办法否认，而且湛江人基本都系好好客。难道好客嘅人民素质都算低咩？咁试问唐朝个阵唐太宗以及当时嘅人民咁好客，你可以话当时距地素质低下咩？所以楼主观点系非常偏激同错误嘅。至于你赞扬广州点好点好，我虽然无点去过，但系广州我都算比较熟，加上我系广州嘅同学都有话我知广州嘅情况，距地无一个话广州比肇庆好，唔知道楼主系广州生活佐几耐？如果你非要用广州呢个广东省会大城市同肇庆呢个珠三角边缘嘅小城市比，就太无理取闹啦，你即系用法拉利同三菱比，无得比。真系要比嘅话，我只能讲我所见，广州人多车多，每次去广州，系芳村个一带搭公交车都要走出马路先可以搭得到，芳村唔系市中心，大家都知道啦！真正去到市中心系点样就唔使用我讲啦！广州其他区嘅情况我就唔讲啦！华农、华工等等我都有同学，距地都话广州交通点差点差，肇庆人少车少，舒服好多。留心嘅人都可以发现，我系呢篇文章无提到边个城市人民素质低，因为其实呢个系全中国嘅问题，广州人素质唔见得比广东其他地方甚至全国其他地方高，如果楼主系广州人，请你唔好以广州人自居。而至于我自己，我亦并唔觉得自己素质有几高几高，所以我地更应该从自身出发，普及国家素质教育，提高中国人嘅素质同修养，实实在在搞好国家经济，用官方语言即系依法治国与以德治国相结合。今次只系突然见到咁样一个辱骂性嘅题目，作为一个留学在外嘅肇庆学子实在忍唔住，就系度发表一次感想，有讲错或者学术性错误嘅请论坛前辈赐教！
[此贴子已经被作者于2005-6-7 1:56:26编辑过]
